ABŞ-ın U-2 kəşfiyyat təyyarəsi İranın hava məkanına girdi

ABŞ-ın U-2 kəşfiyyat təyyarəsi İranın hava məkanına girdi
İran səmasında ABŞ-ın məşhur U-2 kəşfiyyat təyyarəsi görünüb.

Virtualaz.org xəbər verir ki, U-2S Dragon Lady kəşfiyyat təyyarəsi İranın hava məkanına girərək onlarla kilometr irəliləyib, amma İranın Hava Hücumundan Müdafiə sistemləri tərəfindən aşkar edilməyib.

"Plane Radar” resursu tərəfindən təqdim edilmiş məlumatlarına əsasən kəşfiyyat təyyarəsi (İCAO kodu-AE0950) İran səmasında uçarkən cəmi 1880 metr yüksəklikdə olub. Bu barədə Birləşmiş Ştatlarından hər hansı rəsmi şərh verilmir. Amma mütəxəssilər istisna etmirlər ki, təyyarə GPS sistemində baş vermiş pozuntu nəticəsində İranın hava məkanına daxil olub. Çünki əvvəllər bu regionda belə hallar qeydə alınıb, o cümlədən Amerikanın İran tərəfindən vurulmuş pilotsuz kəşfiyyat təyyarəsi də GPS koordinatlarının yanlış təyin edilməsi nəticəsində bu ölkənin hava sahəsinə girmişdi.

Hazırda Amerika hərbi kəşfiyyat təyyarələri İranın hava sərhədlərindən azı 15-20 kilometr məsafədən uçmağa çalışır, narahatlıq var ki, İran GPS sisteminin işini poza və nəticədə real koordinatların əvəzinə yalançı koordinatlar verə bilər.

Miq.Az



İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
infomiqaz@gmail.com

www.miq.az