Ağgöl Milli Parkındakı naməlum malikanə kimindir? — Helikopter meydançası, kater portu... (PEYK GÖRÜNTÜLƏRİ)

Ağgöl Milli Parkındakı naməlum malikanə kimindir? — Helikopter meydançası, kater portu... (PEYK GÖRÜNTÜLƏRİ)

Ağgöl Milli Parkında ictimaiyyətə məlum olmayan "naməlum obyektlər" ortaya çıxıb. 

Demokrat.az xəbər verir ki, burada söhbət heç də uçaq naməlum obyektdən yox, təyinatı bizə bəlli olmayan, Ekologiya və Təbii Sərvətlər Nazirliyi (ETSN) tərəfindən təbliğ edilməyən, mövcudluğu və təyinatı haqqında məlumat verilməyən ilk baxışdan malikənəyə oxşayan tikililərdən gedir.

Son günlər Ağgöl Milli Parkının niyə digər milli parklarla müqayisədə heç tanınmaması gedilməməsi diqqətimizi çəkdi. Heç biz də orada heç vaxt olmamışıq. 

Komandamızın üzvləri milli parka getmək üçün əraziyə elekton xəritədə baxarkən peyk görüntülərindən maraqlı tikili kompleksi təyin ediblər. 

Malikənəyə oxşar bu tikintinin həyətində tenis kortu, helikopter meydançası və digər yardımçı binalar görünür. 

Related image

Yerli camaatın dediyinə görə, bu villa yüksək vəzifəli məmura aiddir. 

 Sübutumuz olmadığına görə ad çəkmirik, amma Ekologiya və Təbii Sərvətlər Nazirliyinin bununla bağlı açıqlaması olsa, yaxşı olardı.

Oxşar, nisbətən kiçik tikili tanınmamış Abşeron Milli Parkında da müşahidə olunub. Burada helikopter meydançasında fərqli olaraq kater portu yer alır.

Şahdağ Milli Parkında - sərhədləri ictimaiyyətə açıq olmadığı üçün demək çox çətindir - və ya siravi vətəndaşların getmək üçün ETSN-dən və Sərhəd Qoşunlarından icazə almalı olduğu Şahyaylağında Sədərək Ticarət Mərkəzinin sahibi Yusif Qədimbəyliyə aid olduğu deyilən tikilini də bu siyahıya əlavə etmək olar. 

 

Image result for Yusif Qədimbəyli


Yusif Qədimbəylinin tez-tez bu seyrangaha dağ keçisi ovu üçün gəldiyi Xınalıq və qonşu kəndlərin sakinləri tərəfindən maraqla danışılır.

Göygöl Milli Parkında oxşar və daha iri ölçülü tikililər hazırda turizm məqsədi ilə istifadə edilir. 

Ümid edək ki, bir gün bu tikililər də turizm məqsədi ilə istifadə ediləcək.

Bu siyahıya Şirvan Milli Parkında "Eko şəhərcik" kimi qeyd edilən istifadəsiz qalmış tikilələri də əlavə etmək olar. 

 

Related image


Buna da ümid edək ki, yaxın zamanda turistlərin və ya ekoloji layihələr araşdırmalar üçün araşdırmaçı qrupların istifadəsinə hazır olacaq.

Sözügedən obyektlərin peyk görüntülərini oxuculara təqdim edirik. Mövzunu diqqətdə saxlayacağıq.

Adı çəkilən tikililər haqqında Ekologiya və Təbii Sərvətlər Nazirliyinin mövqeyi çox maraqlı olardı. Nazirliyin bu məsələ barədə açıqlaması oxucular tərəfindən də maraqla qarşılanar. 

 
Miq.Az



İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
[email protected]

www.miq.az