Azərbaycan çevriliş vaxtı Türkiyəyə kömək göndərib? Kəmaləddin Heydərovun telefon zəngi ortaya çıxdı

Azərbaycan çevriliş vaxtı Türkiyəyə kömək göndərib? Kəmaləddin Heydərovun telefon zəngi ortaya çıxdı

Kəmaləddin Heydərovun telefon zəngi ortaya çıxdı. Azərbaycan çevriliş vaxtı Türkiyəyə kömək göndərib? 

Türkiyədə 15 iyul çevriliş cəhdi sonrası ölkənin xarici işlər naziri ilə telefon əlaqəsi saxlamış xarici nümayəndələrin adı açıqlanıb.

Azərbaycan 24 xəbər verir ki, qiyamın başladığı andan sonra ilk 24 saat ərzində əlaqə saxlanılmış nümayəndələrin siyahısında əksər təmsilçilər siyasi post tutan şəxslər və Mövlud Çavuşoğlunun həmkarları olsa da bir məqam xüsusi diqqət çəkir. Adlar arasında Azərbaycanın xarici işlər naziri ilə yanaşı Fövqəladə hallar naziri Kəmaləddin Heydərovun ismi də yer alıb. Bütün digər şəxslərin  xarici işlər nazirləri olduğunu nəzərə alsaq Elmar Məmmədyarovun həmkarı ilə əlaqə saxlamasında qeyri-adi heç nə yoxdur.

Lakin siyahıda yeganə bir faktiki güc nazirliyi və fəaliyyəti siyasi proseslərə aid olmayan qurum məhz Azərbaycan FHN-dir.

Kəmaləddin Heydərovun Azərbaycanda nazir postundan əlavə çox önəmli bir şəxs olması heç kimə sirr deyil. Məhz Türkiyədə çevriliş cəhdi zamanı Azərbaycanın qardaş ölkəyə onun vasitəsilə dəstək təklif etməsi və ya dəstək göndərməsi də istisna olunmur.

Qeyd edək ki, məhz həmin vaxtda Azərbaycanın qardaş ölkəyə qiyama qarşı mübarizə üçün dəstək qüvvələri göndərməsi barədə məlumatlar yayılmışdı. Rəsmi təsdiqi olmayan bu məlumatlarda Azərbaycanın Türkiyəyə gecə ilə xüsusi qüvvələr göndərməsi və bunun tez həyata keçirilməsi üçün ilk növbədə Naxçıvandakı imkanlardan istifadə edildiyi iddia olunurdu. Lakin bu məlumatlar indiyə qədər heç bir rəsmi təsdiqlə doğrulanmayıb.

Miq.Az


İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
[email protected]

www.miq.az