Azərbaycanda dövlət xətti ilə ipoteka krediti alanların sayı 25 minə çatıb

Azərbaycanda dövlət xətti ilə ipoteka krediti alanların sayı 25 minə çatıb
 İpoteka və Kredit Zəmanət Fondunun (İKZF) fəaliyyətdə olduğu 2006-2018-ci illər ərzində dövlət xətti ilə 1,2 mlrd. manat ipoteka krediti verilib.

"Report” bu barədə Fonda istinadən xəbər verir.
Məlumata görə, bu illərdə ipoteka krediti hesabına mənzil şəraitini yaxşılaşdıran ailələrin sayı isə 25 000-ə çatıb.
Təkcə bu ilin yanvar-noyabr aylarında İKZF-nin müvəkkil bankları 241,7mln manatlıq 3 528 ipoteka krediti (172,46 mln. manatlıq 2 428 adi kredit, 69,24 mln. manatlıq 1 100 güzəşli kredit) verib. Halbuki, ötən ilin eyni dövründə 172,7 mln. manatlıq 2 687kredit rəsmiləşdirilib. Yəni kreditlərin ümumi məbləğində 40%, borcalanların sayında isə 31,3% artım var.
Bu il ipoteka kreditləri vasitəsilə Mənzil İnşaatı Dövlət Agentliyinin (MİDA) sərəncamında olan mənzillərin satışı da dəstəklənib. Artıq 217 şəxsə MİDA-nın sərəncamında olan güzəştli mənzillərin alınması üçün 9,6 mln. manatlıq güzəştli və 450 min manatlıq adi kredit verilib. 
 
Miq.az


İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
[email protected]

www.miq.az