Azərbaycanda həqiqi hərbi xidmətə çağırışın müddəti uzadıldı - SƏRƏNCAM

Azərbaycanda həqiqi hərbi xidmətə çağırışın müddəti uzadıldı - SƏRƏNCAM
Prezident İlham Əliyev "Azərbaycan Respublikası vətəndaşlarının 2020-ci il aprelin 1-dən 30-dək müddətli həqiqi hərbi xidmətə çağırışı müddətinin uzadılması haqqında" Azərbaycan Respublikasının Qanununu imzalayıb. 

Miq.Az xəbər verir ki, qanuna dəyişikliklə Azərbaycan Respublikası vətəndaşlarının 2020-ci il aprelin 1-dən 30-dək müddətli həqiqi hərbi xidmətə çağırışının müddəti 2020-ci il mayın 31-dək uzadılır.

Dövlət başçısı həmçinin "Azərbaycan Respublikası vətəndaşlarının 2020-ci il aprelin 1-dən 30-dək müddətli həqiqi hərbi xidmətə çağırılması və müddətli həqiqi hərbi xidmət hərbi qulluqçularının ehtiyata buraxılması haqqında” Azərbaycan Respublikası Prezidentinin 2020-ci il 28 fevral tarixli 1866 nömrəli Sərəncamında dəyişiklik edilməsi barədə sərəncam imzalayıb. 

Sərəncama əsasən, "Azərbaycan Respublikası vətəndaşlarının 2020-ci il aprelin 1-dən 30-dək müddətli həqiqi hərbi xidmətə çağırılması və müddətli həqiqi hərbi xidmət hərbi qulluqçularının ehtiyata buraxılması haqqında” Azərbaycan Respublikası Prezidentinin 2020-ci il 28 fevral tarixli 1866 nömrəli sərəncamında aşağıdakı dəyişikliklər edilir:

1. Adında "30-dək müddətli həqiqi hərbi xidmətə çağırılması və” sözləri "mayın 31-dək müddətli həqiqi hərbi xidmətə çağırılması və aprelin 1-dən 30-dək” sözləri ilə əvəz edilsin.

2. 1-ci hissədə "çağırış gününədək” sözləri "2020-ci il aprelin 30-dək” sözləri ilə, "30-dək” sözləri "mayın 31-dək” sözləri ilə əvəz edilsin.

Miq.Az


İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
[email protected]

www.miq.az