Bayden “təcrübəli əl”i Azərbaycana səfir göndərir

Bayden “təcrübəli əl”i Azərbaycana səfir göndərir
Riçard Kozlariç: "Şəxsən tanımıram, amma böyük təcrübəsi var”

ABŞ Prezidenti Cozef Bayden mayın 25-də ölkəsinin Azərbaycana növbəti səfir namizədinin adını açıqlayıb.

Bu barədə "Turan” məlumat yayıb.

Bildirilir ki, Cozef Baydenin Azərbaycana təyin etdiyi növbəti səfir yüksəkrütbəli diplomatik xidmətin əməkdaşı Mark U.Libbindir:

"Bəzi müşahidəçilərin fikrincə, bu, Vaşinqtonun daha çox diqqət yetirdiyi ölkədə "təcrübəli əl” in mövcudluğunu təmin edəcək addımdır”.

"Mən şəxsən tanımasam da, onun Bakıda yaxşı xidmət edəcək böyük təcrübəsi var”, – deyə ABŞ-ın Azərbaycandakı keçmiş səfiri (1994-1997) Riçard Kozlariç "Turan”a deyib.

"Yaxşı ki, o, FSO-nun (Diplomatik xidmət) əməkdaşıdır. Mənim ona yeganə məsləhətim ABŞ-ı Azərbaycanda təmsil etməkdən zövq almaqdır”, – Kozlariç əlavə edib.

M.Libbi diplomatik xidmətdə karyerası ərzində ABŞ-ın Avropa İttifaqı yanındakı Brüssel nümayəndəliyində missiya rəhbərinin müavini və müvəqqəti işlər vəkili vəzifələrində çalışıb.


Mark U.Libbi. Foto: "Turan”

Digər xarici ezamiyyətlərə isə Varşava, Nassau, Nikosia və Bağdad şəhərlərinə siyasi məsləhətçi kimi səfərləri daxildir. Daha əvvəl isə M.Libbi Dövlət Departamentinin Katibliyində işləyib və bir müddət sonra direktor kimi geri dönüb.

O, Massaçusets Taftsa Universitetində bakalavr dərəcəsini alıb, həmçinin Parisdə Siyasi Araşdırmalar İnstitutunda ("Sciences-Po”) təhsil alıb.

Diplomat polyak və fransız dillərini bilir.

Hazırda ABŞ-ı Azərbaycanda Adam Sterlinq təmsil edir.

O, 2012-ci ildən səfir vəzifəsində çalışır.



İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
infomiqaz@gmail.com

www.miq.az