Bu deputatlar məsuliyyətə cəlb ediləcək

Bu deputatlar məsuliyyətə cəlb ediləcək
Mayın 24-də Milli Məclisin (MM) Regional məsələlər komitəsinin iclası keçirilib.

Oxu.Az xəbər verir ki, adıçəkilən komitənin sədri Arif Rəhimzadə gündəliyə "Azərbaycan Respublikası Milli Məclisi deputatının statusu haqqında” və "Bələdiyyələrin fəaliyyətinə inzibati nəzarət haqqında” qanunlarda dəyişiklik edilməsi barədə qanun layihəsinin daxil olduğunu deyib.
Komitə sədri bildirib ki, "Milli Məclisin deputatının statusu haqqında” qanunun 16-cı maddəsinin ikinci hissəsinin ikinci cümləsinin yeni redaksiyada verilməsi təklif olunur.
Təklifə əsasən, deputat Milli Məclisin, yaxud onun komitə və komissiyalarının iclaslarında üzrsüz səbəbdən iştirak etmədikdə, habelə parlamentin Daxili Nizamnaməsində nəzərdə tutulmuş digər hallarda həmin Nizamnamə ilə müəyyən edilmiş qaydada parlamentdaxili məsuliyyətə cəlb olunur.
"Bələdiyyələrin fəaliyyətinə inzibati nəzarət haqqında” qanuna təklif edilən dəyişikliklərin məqsədi isə "Normativ hüquqi aktlar haqqında” Azərbaycan Respublikası Konstitusiya qanununun icrasının təmin edilməsindən ibarətdir.
Müzakirələrdən sonra qanun layihələri Milli Məclisin plenar iclasına tövsiyə olunub.
 
Miq.az


İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
infomiqaz@gmail.com

www.miq.az