Bu il 460-dan çox Azərbaycan vətəndaşı Türkiyədə əmlaka sahib olub

Bu il 460-dan çox Azərbaycan vətəndaşı Türkiyədə əmlaka sahib olub
Bu ilin may ayında Azərbaycanın 90 vətəndaşı Türkiyədə əmlaka sahib olub.

"Report”un Türkiyənin Statistika İdarəsinə istinadən verdiyi məlumata görə, bu, ötən ilin may ayı ilə müqayisədə 15 mənzil və yaxud 20% çoxdur.
2019-cu ilin yanvar-may aylarında isə Azərbaycanın 464 vətəndaşı Türkiyədə mənzil alıb. Bu, 2018-ci ilin yanvar-may ayları ilə müqayisədə 132 mənzil və yaxud 39,7% çoxdur.
Ümumilikdə may ayında 3 967 xarici vətəndaş Türkiyədə mənzil alıb ki, bu da illik müqayisədə 1 534 vahid və yaxud 63% çoxdur.
Yanvar-may aylarında isə Türkiyədə 17 452 ədəd əmlak xarici vətəndaşlara satılıb ki, bu da illik müqayisədə 7 593 vahid və yaxud 77% çoxdur.
Türkiyədə ən çox mənzil alan xariciıər İraq vətəndaşlarıdır. İraqlılar mayda Türkiyədən 594, bu ilin ilk 5 ayında isə 2 908 mənzil əldə edib.
Siyahıda sonrakı yeri İran vətəndaşları tutur. Bu ölkədən olanlar mayda 504, yanvar-mayda isə 1 787 mənzil alıblar.
İlk 3-lüyü Rusiya vətəndaşları tamamlayır. Bu ölkənin sakinləri ötən ay Türkiyədə 285, 5 ayda isə 1 074 mənzil əldə ediblər.


Miq.az

İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
[email protected]

www.miq.az