Üç rəngli qibləgahım! Ay-ulduzlu and yerim!

Üç rəngli qibləgahım! Ay-ulduzlu and yerim!
Elçin Mirzəbəyli

...Səni dalğalandıran 
küləyə qurban olum
Üç rəngli qibləgahım!
Ay-ulduzlu and yerim!
Səni göydən endirən 
mələyə qurban olum!
İstə məndən...
Nəyim var uğrunda qurban verim!

...Göylər mavi rəngindən
Rəng alıb təzələnsin!
Uçsun qara buludlar,
Dünya nura bələnsin!
Al qırmızı rəngindən
Qoy rəng alsın çiçəklər!
Yanağını öpməyə 
Növbə çəksin küləklər!
O gözəl yaşılından
Don geyinsin çəmənlər.
Ay-ulduzla bəzənsin
Lalələr, yasəmənlər!

Ey... üçrəngli Bayrağım, 
Dilimdəki son nida!
Ucaldığın yerlərin
Tozuna canım fəda!

Miq.Az


İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
[email protected]

www.miq.az