Enerji Agentliyindəki Cahangir Hacıyevin “sağ əli”nə İTTİHAM: Axundov-İsmayılov birliyi

Enerji Agentliyindəki Cahangir Hacıyevin “sağ əli”nə İTTİHAM: Axundov-İsmayılov birliyi

Ekspert M.Rüstəmov tərəfindən daxil olan məqalədə Enerji Məsələlərini Tənzimləmə Agentliyində baş verənlərdən bəhs olunur.

Prezident İlham Əliyev dekabrın 22-də "Azərbaycan Respublikası Energetika Nazirliyinin tabeliyində Enerji Məsələlərini Tənzimləmə Agentliyinin yaradılması haqqında” Fərman imzalayıb. Fərmana əsasən, Energetika Nazirliyinin Dövlət Enerji Nəzarəti İdarəsinin və Dövlət Qaz Nəzarəti İdarəsinin əsasında Enerji Məsələlərini Tənzimləmə Agentliyi yaradılmışdır.

Agentliyin fəaliyyətində mütərəqqi korporativ idarəetmə standartlarının tətbiq ediləcəyi əsas məqsədlərdən biridir. Agentlik İdarə Heyəti tərəfindən idarə olunur.

İdarə Heyəti agentliyə rəhbərliyi və nəzarəti həyata keçirir. İdarə Heyətinin tərkibi üç nəfərdən sədr və onun iki müavininədən ibarətdir. Enerji Məsələlərini Tənzimləmə Agentliyinin İdarə Heyətinin sədri "Siemens AG” Almaniyanın Azərbaycandakı filialının rəhbəri Samir Əli Hüseyn oğlu Axundov təyin edilib.

Dövlət Enerji Nəzarəti İdarəsinin və Dövlət Qaz Nəzarəti İdarəsinin istifadəsində olan 7 milyon manat dəyərində əmlak və maliyyə vəsaiti agentliyin balansına verilib.

Eyni zamanda enerji sahəsində fəaliyyət göstərən AzərEnerji, Azərişıq, Azəristiliktəhçizat, Dövlət neft şirkəti, Azəriqaz kimi dövlət müəssisə və təşkilatları tərəfindən gəlirlərinin müəyyən edilmiş hissəsi Aqentliyə ödənilməsi haqqında qərar qəbul edilmişdir. Hesablamalara görə bu ödənişlərin məbləği ildə ən azı 3 milyon manat təşkil edəcək, üstəgəl Agentliyin xidmətlərinə görə tutulacaq haqlar.

Göründüyu kimi yeni yaradılan təşkilatın sərəncamına hər il milyonlarla vəsait daxil olacaq. Samir Axundovun təqdimatı əsasında Agentliyin İdarə Heyətinin sədr müavini vəzifəsinə İsmayılov Rövşən təyin olunub.

Qeyd etmək lazımdır ki Enerji Məsələlərini Tənzimləmə Agentliyinin İdarə Heyətinin sədr müavini vəzifəsinə bu sahədə mütəxəsis və təcrübəsi olan yox, uzun müddət ərzində Beynəlxalq Bankın baş mühasibi və maliyyə direktoru işləmiş şəxsin təyin olunması təəccüb doğurmaya bilməzdi.

Çünki İsmayılov Rövşən Beynəlxalq Bankın keçmiş sədri, dövlətə milyardlarla zərər vurmuş və maliyyə fırıldaqlarına görə Bakı Ağır Cinayətlər Məhkəməsinin hökmü ilə 15 il müddətinə azadlıqdan məhrum edilmiş Cahangir Haçıyevin "sağ əli” sayılırdı və bankın cari fəaliyyətini idarə edirdi. O Cahangir Haçıyevin maliyyə piramidasının və pulların yuyulması sxemlərinin əsas müəlifi və icraçısı olmuşdur.

Cahangir Hacıyev Texnika Bankı öz havadarlarının, qudası Eldar Mahmudovun köməyi ilə ələ aldıqdan sonra İsmayılov Rövşəni bu bankın Müşahidə Şurasının sədri təyin edib. Məhz bundan sonra Beynəlxalq Bankda olduğu kimi burada da pulların yuyulmasına və qanunsuz pul transferlərinə start verilib.

Təbii ki bu əməliyyatlar da hüquq mühafizə orqanları tərəfindən ifşa olunub. Yalnız bir epizod üzrə onun iş yerindən 4 milyon dollar müştərilərin oğurlanmış pulları tapılıb.

Evində axtarış aparılarkən milionlarla dəyəri olan zinyət əşyaları daş-qaş və pul, bahalı avtomobilləri müsadirə edilib. Sonunda qısa bir müddət ərzində Haçıyev və İsmayılov birliyi Texnika Bankı da müflis etmiş və onların cinayətlərinin nəticəsi olaraq bank ləğv edilib. İsmayılov həbs edilib.

Yalnız istintaqla əməkdaşlıq etdiyini Cahangir Hacıyevin qanunsuz əməllərində iştirak edən şəriklərini təslim etdiyini və oğurladığı pulların bir qismini qaytadığına görə müvəqqəti olaraq azadlığa buraxılıb. Bu hadisələr ölkə mətbuatında geniş yer almışdır.

R. İsmayilovun Enerji Məsələlərini Tənzimləmə Agentliyinin İdarə Heyətinin sədr müavini vəzifəsinə təyinatı energetika sahəsində mütəxəssislər və dövlət təşkilatlarının rəhbərləri tərəfindən birmənalı qarşılanmayıb.

Çünki bu təşkilatların demək olar ki hamısı Beynəlxalq Bankın müştəriləri idi və Rövşən İsmayılovun fəaliyyətinin birbaşa şahidi olublar.

Enerji Məsələlərini Tənzimləmə Agentliyinin İdarə Heyətinin sədri Samir Axundovun R. İsmayılov seçiminin izahı, onun maliyyə fırıldaqlarında və pulların yuyulmasında təcrübəsi olan müavinə ehtiyacı olmasıdır.

Hər kəs əmindir ki Rövşən İsmayılovun təinatı yalnız bu məqsədi güdür və İdarə Heyətinin sədri Samir Axundovun onun təcrübəsindən yararlanmaq üçün, adı maliyyə maxinasiyalarında bulanan və bunun nəticəsində heç yerdə işə götürülməyən insanı, energetika sahəsində dövlətin tənzimləmə funksiyasını həyata keçirən Prezidentin Fərmanı ilə yeni yaradılan agentliyə rəhbər vəzifəyə gətirib.

Eyni zamanda onların uzun illərdir ümumi iş birliyi və münasibətləri var. Şübhə yoxdur ki Axundovun – İsmayılov birliyi Beynəlxalq Bankda pulların yuyulması mexanizmini Enerji Məsələlərini Tənzimləmə Agentliyində də" uğurla” tədbiq edəcəklər./AzEuroNews.com/

Yazıda adı çəkilən bütün tərəfləri dinləməyə hazırıq.

Miq.Az



İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
[email protected]

www.miq.az