“Hazır ol, raketlər uçacaq” – Trampdan Rusiyaya şok təhdid

“Hazır ol, raketlər uçacaq” – Trampdan Rusiyaya şok təhdid

 

"Rusiya, hazır ol, raketlər uçacaq”.


"Report” "CNNTurk”ə istinadən xəbər verir ki, bunu ABŞ prezidenti Donald Tramp "Twitter” səhifəsində yazıb.

"Rusiya Suriyaya atacağımız raketləri vuracaqmış”, -deyə o, bildirib.

D.Tramp Rusiyaya çağırış da edib: "Rusiya insanları kimyəvi silah tətbiq edərək öldürən, bundan zövq alan vəhşi ilə (Bəşşar Əsəd rejimini nəzərdə tutur- "Report") əməkdaşlıq etməməlidir".

Qeyd edək ki, bu gün Rusiyanın Livandakı səfiri Aleksandr Zaspikin ABŞ-ın Suriyaya atacağı istənilən raketin vurulacağını bildirib. 

Xatırladaq ki, aprelin 8-də müxalifət qüvvələrinin nəzarəti altında olan Şərqi Guta bölgəsindəki Duma rayonunda kimyəvi silahdan istifadə edilib. Kimyəvi hücum nəticəsində 75 nəfər ölüb, 1000-dən çox adam zəhərlənib. Zərərçəkənlərin çoxunun körpə və azyaşlı uşaqlar olduğu bildirilib.

ABŞ başda olmaqla Qərb dövlətləri bu cinayəti Bəşşar Əsəd rejiminin törətdiyini bəyan ediblər. Donald Tramp bu hava zərbəsinin cavabsız qalmayacağını bildirib.

 
Miq.az

İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
[email protected]

www.miq.az