İmtina-Zülfüqar Rüfətoğlu YAZIR

İmtina-Zülfüqar Rüfətoğlu YAZIR
 
Zülfüqar Rüfətoğlu

Hərçənd dostluğundan keçə bilmirəm,
Amma bu sağlığa içə bilmirəm…
"Hürriyyət" sözünü asta de, dostum...
"Hürriyyət" sözünü elə asta de -
Nə ləçək titrəsin,
nə yarpaq əssin…
Nə də ki, nəfəsin havanı kəssin…
"Hürriyyət" "sevirəm” deməkdi, dostum,
"Sevirəm" sözünü pıçıldayarlar
"Hürriyyət" sözünü asta de, qardaş,
Sakitcə otlayır hələ ilxılar…
Bəzən bir dayçanı
Kəməndləməkçün
bütöv bir ilxını hürkütmək olar…
"Hürriyyət" dediyin siqaret deyil,-
Onu çəkə-çəkə tərgitmək olar…

"Hürriyyət" dediyin dayça deyil ki...
"Hürriyyət" dediyin elə bir köhlən...
Elə bir köhlən ki, minəndən sonra
Tapmazsan nə yəhər, nə də üzəngi…
"Hürriyyət" sözünü asta de, qardaş,
Sən hələ cavansan,
nə görmüsən ki?...
 
Miq.Az
 




İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
[email protected]

www.miq.az