İndi sənə qədər kim varsa- itgin payızdı...

İndi sənə qədər kim varsa- itgin payızdı...
Emil Rasimoğlu

***

Bakirə otaqların üz tutduğu adamlardısa tənhalıq,
bütün qovuşanlar ayrılmağı bacarmayanlardı...
Çünki hələ də hamı ölür,
hələ də 
fəsillərin çöl tərəfidi həyat...

...Əllərinin bətnindən hər gün ölü doğuluram
islanmış ağaclara balıqlar aldandıqca.
Daha qorxma,
tək adamlar qarımaz ki, dostum,
çək gözlərini saatdan,
bax, qollarına bükülən küçələrə...

...Sən demə,
bağışlamaq da xəyanət imiş, 
qadın olmaq da,
elə azadlıq da...
Qəbirlər də diş çıxartdı görüş yerimizdə
Axı şəkillərimizin arxasından başladı uzaqlar...

...Bağışla, 
bağışla qara paltarlı kibrit dənələrini!
İndi sənə qədər kim varsa- itgin payızdı...
...Səndən o yana bir qanad göy üzü də yox,
tərk etməyə vətən də, 
gecələməyə bir kirayə adam da...

Miq.Az



İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
[email protected]

www.miq.az