Məcburi köçkünlər SOCAR-a görə Heydər Əliyev prospektini bağlamağa hazırlaşır - FOTOLAR

Məcburi köçkünlər SOCAR-a görə Heydər Əliyev prospektini bağlamağa hazırlaşır - FOTOLAR

Laçından olan məcburi köçkünlər Heydər Əliyev Prospektini bağlamağa hazırlaşırlar.

Miq.az-a daxil olan məlumata görə, məcburi köçkünləri buna məcbur edən səbəb 1 ildən çoxdur qazın verilməməsidir.

Bakı şəhəri, Nərimanov rayonu Xəli Rza Ulutürk küçəsinin sakinlərindən redaksiyamıza ünvanlanan şikayət məktubunda bildirilir ki, 1 ildən çoxdur ki, qaz problemi həll olunmur. 

"Müraciət etmədiyimiz yer qalmayıb. Hər dəfə bir bəhanə gətirirlər. Hər gün 104 və 185 qaynar xətlərinə zəng vururuq. 1 saatdan sonra cavab verirlər ki, qeydə aldıq. Lakin heç bir nəticə yoxdur. Evdə qocalar, körpə uşaqlar var. Bakının göbəyində hamı küçədə "qaz balonu” işlədir. Bu da hər an partlaya bilər”, - deyə şikayət məktubunda deyilir. 

Qeyd edək ki, küçənin sakinlərinin əksəriyyəti Laçından olan məcburi köçkünlərdir. Onlar problem həll olunmayacağı təqdirdə Heydər Əliyev prospektini bağlayacaqlarını deyirlər.   


Miq.Az


İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
[email protected]

www.miq.az