Milli Məclisdə “Keşikçidağ”la bağlı məsələ qaldırılıb

Milli Məclisdə “Keşikçidağ”la bağlı məsələ qaldırılıb
Azərbaycan Milli Məclisinin bu gün keçirilən plenar iclasında "Keşikçidağ”la məsələ qaldırılıb.

"Report”un xəbərinə görə, deputat Tahir Kərimli deyib ki, Azərbaycan və Gürcüstan dövlətlərinin dostluğu daim davam etməlidir.
O qeyd edib ki, bu dostluq tarixi ənənəyə söykənir: "Bu, bizim üçün də önəmlidir, yolumuz Gürcüstandan keçir. Bizim suverenliyimiz daxilində gürcülərə imkan verdik, bir sıra gürcü xalqının nümayəndələri "pasxa” bayramını keçirirlər. Onlar isə "Keşikçidağ”da aksiya keçirərək Azərbaycanın dövlət müstəqliyi əleyhinə şüarlar səsləndirdilər. Qanunu ciddi şəkildə pozdular, bizi təhqir etdilər. Biz gürcü siyasi xadimlərinə izah etməliyik ki, bu nə məsələdir. Həmin abidə VI əsrdə tikilib, alban abidəsidir. XI, XII əsrdə qurucu Davidin və Tamaranın dövründə gürcü provaslav dininə aid olub, bu gün də gürcü ortodoksal kilsəsinə aiddir. Olsun, amma bizim də Gürcüstan ərazisində xeyli müsəlman abidələrimiz var. İddia etmirik ki, harada bizim abidəmiz varsa, ora bizim torpağımızdır. Bu məsələ ilə bağlı iki ölkə arasında komissiya fəaliyyət göstərir. Biz tarixən torpaqlarımızı Rusiyanın istəyi ilə Gürcüstana və Ermənistana paylamışıq, indi də "Keşikçidağ”da güzəştə getməməliyik. Dünyada 210-dan çox dövlət var, Azərbaycan dünyada yeganə dövlətdir ki, bütün sərhədləri keçmiş torpaqları ilə sərhəddir”.
Deputat Fərəc Quliyev də bu gərginliyin aradan qaldırılmasının zəruriliyini qeyd edib. O deyib ki, "Keşikçidağ” Azərbaycan ərazisidir.
Deputat Qənirə Paşayeva da qeyd edib ki, həmin abidə "Keşiçkidağ” adlandırılmalıdır və o, Azərbaycana məxsusdur: "Tarixi abdilər bizim üçün çox həssasdır. İnanırıq ki, bu məsələ Azərbaycanın maraqları çərçivəsində həll ediləcək”.


İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
infomiqaz@gmail.com

www.miq.az