Neft 8 dollara düşə bilər - Ən pis proqnoz

Neft 8 dollara düşə bilər - Ən pis proqnoz
İlin əvvəlindən bu yana neft qiymətləri təxminən 60% ucuzlaşıb.

Miq.Az xəbər verir ki, bu məlumatı "Blumberq” agentliyi yayıb. Araşdırmada bildirilib ki, qiymətlərin bu qədər geriləməsi aysberqin görünən hissəsidir, əslində isə bazarda neft qeyd edilən rəqəmdən daha sürətlə geriləyir.

Agentlik bazarda neftin böyük endirimlərlə satıldığını, buna görə də hazırda birja qiyməti 25 dollar olan neftin dəyərinin 8-10 dollara qədər geriləyə biləcəyini yazıb.

"Real bazar əziyyət çəkir, amma ən pisi hələ qabaqdadır. Təklifin çox olmasının nəticələrini biz bir neçə həftə sonra görəcəyik”, – deyə "Gunvor Group”un həmtəsisçisi Torborn Tornkvist deyib.

Bununla belə agentlik hazırda real bazarda endirimlərin maksimum həddə çatdığını bildirib. Belə ki, Nigeriyanın "Qua İboe” neft markasını 3,1 dollarlıq endirimlə, Kolumbiyanın isə "Vasconia” markasını 7,75 dollar endirimlə təklif etdiyi vurğulanıb.

Miq.Az


İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
[email protected]

www.miq.az