“Oturduqları yerdən tərpənməsinlər” - Ali Baş Komandan + Video

“Oturduqları yerdən tərpənməsinlər” - Ali Baş Komandan + Video

Xəbər verdiyimiz kimi, Azərbaycan Prezidenti, Ali Baş Komandan İlham Əliyev Müdafiə Nazirliyinin Mərkəzi Hərbi Klinik Hospitalında müalicə olunan yaralı hərbçilərə baş çəkib.

Miq.az "Qafqazinfo”ya istinadən xəbər verir ki, dövlət başçısı əsgərlərlə görüşəndən sonra onların valideynləri ilə də görüşüb, söhbətləşib. Prezident bir daha vurğulayıb ki, Ermənistan atəşkəs dövründə Azərbaycana hücum edib, yenidən təxribat törədib:

"Bilin ki, bütün beynəlxaq təşkilatlar-BMT, ATƏT, İslam Əməkdaşlıq Təşkilatı, Avropa Şurası Azərbaycan mövqeyini dəstəkləyir. Düzdür onların qərarları bir nəticəyə gətirib çıxarmayıb, amma bu, məsələnin həlli üçün əsasdır. Siyasi-iqtisadi cəhətdən Azərbaycan Ermənistanla müqayisədə irəli gedib. Ermənistan bu təxribatı ona görə törədib ki, onlara təzyiqlər artır”.

İlham Əliyev əsgər ana və atalarına təşəkkürünü ifadə edib:

"Mən bu gün yaralı əsgərlərimizlə görüşdüm, onları təbrik etdim. Azərbaycan xalqı adından bir vətəndaş kimi, ali baş komandan kimi onlara təşəkkür etdim . Siz də çox sağ olun ki, belə gözəl övladlar böyütmüsüz. Onlar indi yaralı vəziyyətdə uzanıb deyirlər ki, istəyirik tezliklə sağalıb gedək döyüş bölgələrinə. Bu, bir daha göstərir ki, Azərbaycan xalqı nə qədər mətin, cəsarətlidir”.

Ali Baş Komandan cəbhədə əməliyyatların dayandırılmasının şərtini də açıqlayıb:

"Bu gün Azərbaycan bəyan edir ki, döyüş əməliyyatlarını birtərəfli qaydada dayandırır. Amma bir şərtlə-qarşı tərəf bundan istifadə etməsin. Onlar da dayansınlar. Oturduqları yerdə də dursunlar, tərpənməsinlər”.

 

Miq.az

İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
[email protected]

www.miq.az