Prezident İlham Əliyev nazirin SƏSİNİ KƏSDİ: "Siz sadəcə utanmalısınız..."

Prezident İlham Əliyev nazirin SƏSİNİ KƏSDİ:

İlham Əliyevdən "Azenerji" rəhbərinə haqlı ittiham: "Siz sadəcə utanmalısınız..."

"Bir qəzaya görə bütün ölkənin enerji sisteminin çökməsi böyük səhvdir, yumşaq desək."

Bunu Azərbaycan Prezidenti İlham Əliyev ölkənin enerji sektorunda baş verən hadisələrlə bağlı müşavirədə "Azərenerji” ASC-nin sədri Etibar Pirverdiyevə irad tutaraq bildirib.

Dövlət başçısı deyib ki, ölkənin kifayət qədər enerji gücü var:

"Təkcə 15 il ərzində 2500 meqavat gücündə elektrik stansiyaları yaradılıb. Biz indi xarici ölkələrə elektrik enerjisi ixrac edirik. Ona görə isti havalarla bağlı istehlakın artması qəzanın səbəbi ola bilməz. Qəzanın səbəblərini komissiya araşdıracaq. Siz sadəcə utanmalısız. Xalq qarşısında, ölkə qarşısında. İnsanlara bu qədər əziyyət vermisiz. Metroda qadınlar, qocalar, uşaqlar, xəstələr, liftdə qalanlar...”.

İlham Əliyev qeyd edib ki, hadisə nəticəsində ölkəyə böyük iqtisadi ziyan dəyib:

"Mən bu sahəyə bu qədər investisiya ayırmışam, dövlət investisiya proqramı sahəsində hər il böyük vəsait ayrılır, yeni elektrik stansiyaları tikilir. Son 15 il ərzində 30 stansiya tikilib. Elə sistem qurulmalı idi ki, ölkənin enerji sistemi çökməsin. Niyə bölgələrdəki elektrik stansiyaları qəza baş verəndən sonra fəaliyyətini dayandırdı? Bunun səbəbləri haqqında danışmalısız. Yoxsa havalar isti keçir, istehlak artır – bu məni qane edə bilməz”, - deyə, dövlət başçısı vurğulayıb və qeyd edib ki, məsələni çox ciddi araşdırmaq lazımdır.

Miq.Az




İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
[email protected]

www.miq.az