Qardaş Türkiyədən Azərbaycana bayram təbriki - Video

Qardaş Türkiyədən Azərbaycana bayram təbriki - Video

Türkiyənin tanınmış ictimai-siyasi, mədəniyyət və incəsənət xadimləri, televiziya aparıcıları 9 noyabr - Dövlət Bayrağı Günü münasibətilə Azərbaycan xalqını təbrik ediblər.

Report xəbər verir ki, onlar videoçarx vasitəsilə öz istək və arzularını dilə gətiriblər.

Türkiyənin Xarici İşlər naziri Mövlud Çavuşoğlu bayram təbrikini bu ifadələrlə bildirib: "Bir millət, iki dövlət!” ifadəsi ilə güclənən qardaşlığımızı daha yüksək səviyyələrə çıxarmaq həm ortaq mirasımıza, həm də gələcək nəsillərə olan borcumuz və vəzifəmizdir. Çünki azadlığımız, gələcəyimiz, əmin-amanlığımız bir-birinə bağlıdır. Türkiyə Azərbaycandır, Azərbaycan Türkiyədir!”.

Türkiyə Böyük Millət Məclisinin (TBMM) sədri Mustafa Şəntop isə vurğulayıb ki, Azərbaycan Türkiyənin olmadığı yerdə həmişə onların hüquqlarını layiqincə müdafiə edib.

Bundan başqa, Türkiyə parlamenti sədrinin müavini Levent Gök, Cümhuriyyət Xalq Partiyasının (CHP) sədri Kamal Kılıçdaroğlu, İstanbul Böyükşəhər Bələdiyyəsinin sədri Əkrəm İmamoğlu, Türkiyə-Azərbaycan Parlamentlərarası Dostluq Qrupunun sədri Şamil Ayrım, Milliyyətçi Hərəkat Partiyasının (MHP) sədr müavini Mövlud Karakaya, Ədalət və İnkişaf Partiyasının (AKP) parlamentdəki fraksiyasının sədr müavini Muhammet Emin Akbaşoğlu, tanınmış aktyor və şoumen Okan Bayülgen, modelyer və müğənni İvana Sert, müğənni Hakan Peker, bəstəkar-müğənni Mustafa Ceceli, futbol şərhçisi Tümer Metin, tanınmış aparıcı Seba Tümer, aktyor Selim Bayraqdar, müğənni Əbru Yaşar da Azərbaycan xalqını təbrik ediblər.

Qeyd edək ki, Prezidenti İlham Əliyevin 2009-cu il noyabrın 18-də imzaladığı sərəncamla noyabrın 9-u Azərbaycanda Dövlət Bayrağı Günü kimi qeyd olunur.
[video=http:// ]
Miq.Az



İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
infomiqaz@gmail.com

www.miq.az