Ukraynadakı münaqişənin iki HƏLL VARİANTI: hansı seçilməlidir?

Ukraynadakı münaqişənin iki HƏLL VARİANTI: hansı seçilməlidir?

"Ukrayna böhranını iki yolla həll etmək olar: danışıqlar masası arxasında kompromis axtarmaqla və ya Kiyev və Qərb ölkələri üçün təhlükəli olan eskalasiyanı davam etdirməklə".

Publika.az xəbər verir ki, bu fikri amerikalı tarixçi, filosof və dilçi Noam Çomski söyləyib.

"Yalnız iki variant var: diplomatik və qeyri-diplomatik. İkincisi, bütün itkilər və qurbanlarla eskalasiyanın davam etməsi, birincisi, diplomatiyanın sabotajını dayandırmaq və hər iki ölkənin maraqlarına uyğun sülh sazişinə keçməkdir”, - o, Almaniyanın "Welt” qəzetinə müsahibəsində vurğulayıb.

Onun fikrincə, qeyri-diplomatik variant Meydanın özü üçün dağıdıcıdır. Filosof hesab edir ki, eyni zamanda NATO ölkələri baş verənlərə görə tam məsuliyyət daşıyacaqlar, çünki onlar özləri Kiyevi tələsik hərəkətlərə sövq edir.

Eyni zamanda, o əlavə edib ki, danışıqlar yolu münaqişənin aradan qaldırılmasına kömək edəcək, eləcə də uzun illər üçün sabit dinc gələcəyi təmin edəcək. Nümunə olaraq o, Karib böhranını göstərib:

"O zaman ABŞ SSRİ-dən Kubaya ABŞ-ın mümkün hücumundan müdafiə olunmaqda yardımı dayandırmağı tələb etdi və Sovet İttifaqı geri çəkildi. İndiki vəziyyətdə Qərb geri addım atmalıdır".

Rusiya Federasiyası ilə Ukrayna arasında danışıqlar prosesi demək olar ki, Donbasın mühafizəsi üzrə xüsusi əməliyyatın başlanmasından dərhal sonra başlayıb. Rusiya və Ukrayna nümayəndə heyətlərinin sonuncu təkbətək görüşü martın 29-da İstanbulda baş tutub. Sonra tərəflər müəyyən razılaşmalara nail ola biliblər, lakin bir neçə gün sonra Kiyev onlardan imtina etdi. O vaxtdan bəri danışıqlar prosesi durğunlaşıb.

Avqustun 3-də Rusiya prezidentinin mətbuat katibi Dmitri Peskov bildirib ki, Moskva əvvəllər olduğu kimi, Ukraynadakı vəziyyəti diplomatiya yolu ilə, lakin öz şərtləri əsasında həll etməyə hazırdır.

Öz növbəsində, Ukrayna prezidentinin ofisinin rəhbəri Mixail Podolyak avqustun 13-də bildirib ki, Rusiya ilə sadəcə sülh danışıqları faktı Ukrayna və Avropanın itirilməsi demək olacaq/


İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
infomiqaz@gmail.com

www.miq.az