Yeni nazirin müavini Çexiyada şirkət sahibi imiş

Yeni nazirin müavini Çexiyada şirkət sahibi imiş

Rabitə və yüksək texnologiyalar nazirinin birinci müavini Abdullayev Əli İzzət oğlu Çexiya paytaxtında, Růžová 947/8 ünvanında hüquqi qeydiyyatda olan AIM BOHEMİA S.R.O şirkətinin həmtəsisçisidir.

Bu barədə araşdırmaçı jurnalist Cavanşir Həsənli özünün Feysbuk səhifəsində yazıb.

O qeyd edib ki, şirkət 2008-ci ilin iyun ayında Praqa Bələdiyyə Məhkəməsində qeydiyyatdan keçib, fəaliyyət sahəsinə mülk və digər daşınmaz əmlak növlərinin kirayəsi daxildir: "Əli Abdullayev şirkəti təsis etdiyi illərdə Dövlət Əmlak Komitəsi yanında Hərracların Təşkili üzrə Auksion Mərkəzinin baş direktoru vəzifəsində işləyib. Əvvəllər İqtisadi İnkişaf Nazirliyinin tabeçiliyində Dövlət Əmlakının İdarə Olunması və Özəlləşdirilməsi Departamentində (sonradan Dövlət Əmlak Komitəsi) hüquq şöbəsinin müdiri vəzifəsində çalışıb, sonradan Auksion Mərkəzinə rəhbər təyin olunub”.

Onun bildirdiyinə görə, Əli Abdullayevin şəriki HƏCƏR CƏFƏROVA VAQİF qızı da 2001-2011-ci illərdə İqtisadi İnkişaf Nazirliyində ümumi işlər və kadr məsələləri üzrə şöbənin rəisi olub. "Çexiyadakı şirkətdə ortaqların hər biri 50 faiz paya malikdir”.

Həsənli qeyd edib ki, hazırda Medilayn Estetik Mərkəzinə rəhbərlik edən Həcər Cəfərova 2006-cı ildə təsis edilmiş "MEDEKSPRESS”, 2007-ci ildə qeydiyyatdan keçmiş "MEDİLAYN”, eləcə fə ötən il qeydiyyata alınmış "BEAUTYLAB” və "BİOSCİENCE MEDİCİNE” məhdud məsuliyyətli cəmiyyətlərinin də təsisçisidir.









Miq.Az



İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
infomiqaz@gmail.com

www.miq.az