ABŞ rəsmisi Bakıya niyə gəlmədi?

Vaşinqtonda hesab edirlər ki, Tom Malinovskinin Bakı ilə dialoqu indilikdə mənasızdır Vaşinqton vətəndaş cəmiyyəti və demokratiya məsələləri ilə bağlı Azərbaycan hakimiyyəti ilə dialoqu dayandırıb. Bu barədə “Turan”ın müxbirinə məlumatlı diplomatik mənbə bildirib.

Ötən həftə ABŞ dövlət katibinin insan hüquqları üzrə köməkçisi Tom Malinovski vətəndaş cəmiyyəti və Qərb institutlarına təzyiqlərin davam etməsini müzakirə etmək üçün Bakıya gəlməyi planlaşdırmışdı. Lakin son anda Azərbaycanın görüşdən imtina etməsi ilə bağlı şayiələrin fonunda səfər ləğv edilib.
Bundan öncə - 2013-cü il prezident seçkiləri ərəfəsində Bakı Dövlət Departamentinin digər yüksək vəzifəli nümayəndəsi Tomas Melianı da ölkəyə buraxmamışdı.