Avropanın şokolad maqnatı Moskvada ölü tapıldı

"Barri Kalebaut” şokolad fabrikləri şəbəkəsinin sahibi Eji Ostapçuk Moskvanın mərkəzində yerləşən mənzilində ölü tapılıb.

Vətəninfo.az-ın məlumatına görə, Modern.az Rusiya KİV-nə istinadən xəbər verir ki, meyiti qan içində olan biznesmenin otağında 56 pivə butulkası və şüşə qırıqları tapılıb. Ekspertlər başından zədə alan Ostapçukun ölüm səbəbini araşdırırlar.

8 il əvvəl Rusiyaya köçərək "Barri Kalebaur Raşa” zavodunu idarə edən biznesmen yaxınlarda şokolad istehsalı ilə bağlı yeni müqavilə də imzalamışdı.
"Barri Kalebaut” şirkətinin mərkəzi ofisi İsveçrənin Sürix şəhərində yerləşir. 2013-2014-cü illər ərzində şokolad və kakao satışı ilə bağlı ticarət dövriyyəsi 6,5 milyard dolları keçib. Şokolad şirkətinin dünyanın 50-dən artıq nöqtəsində yerləşən zavodlarında 10 mindən artıq insan çalışır.