Əmi qardaşı qızını və nəvəsini bıçaqladı

Gəncə şəhərində əmi qardaşının qızını və nəvəsini bıçaqlayıb.

"Kəpəz" TV ("Region" TV) xəbər verir ki, hadisə bu gün günorta saatlarında qeydə alınıb. Gəncə şəhər sakinləri - 38 yaşlı Elnarə Xarafruz və onun 17 yaşlı qızı Səkinə Xarafruz birincinin əmisi tərəfindən bıçaqlanıb. Yaralılar dərhal Gəncə şəhər TTYX-yə çatdırılıb. Bədənin müxtəlif nahiyələrindən bıçaq yarası alan yaralıların vəziyyəti orta qiymətləndirilir.

Hadisənin hansı zəmində baş verməsi aparılan araşdırmalardan sonra məlum olacaq.

Faktla bağlı Gəncə Şəhər Baş Polis İdarəsində cinayət işi açılıb.