Məhkəmə "AST Telman"la bağlı qərarını açıqladı

Moskva Arbitraj Məhkəməsi VTB qrupuna daxil olan Moskva Bankının azərbaycanlı iş adamı Telman İsmayılovun AST qrupuna daxil olan "KBF AST" MMC şirkətinin əmlakına həbs qoyulması ilə bağlı iddiasını rədd edib.

Bu barədə məlumat məhkəmənin saytına yerləşdirilib.

Məlumatda xatırladılır ki, bank iş adamına qarşı 213 milyon dollarlıq iddia ilə çıxış etmişdi.

Qeyd edək ki, ilkin məhkəmə dinləmələri avqustun 24-də keçirilmişdi. Daha əvvəl isə, hələ iyulun 16-da bankın cavabdeh şəxsin əmlakına həbs qoyulması şəklində təminedici tədbirlərin görülməsi iddiası ilə verdiyi ərizəni məhkəmə əsassız hesab etmişdi.

Virtualaz.org