Müstəqillik günü ilə bağlı əfv olacaqmı?

"Bu il 18 oktyabr Milli Müstəqillik günü ilə əlaqədar Əfv Məsələləri Komissiyasına hazırladığımız siyahını təqdim etmişik".

Vətəninfo.az xəbər verir ki, bunu salamnews-a Hüquq Müdafiəçiləri Monitorinq Qrupunun üzvü Novella Cəfəroğlu deyib.

Bununla belə, hüquq müdafiəçisi bildirib ki, "Hələlik məsələ ilə bağlı danışmaq tezdir”

Əfv Məsələləri Komissiyasının üzvü Məlahət İbrahimıqzı isə məsələ ilə bağlı şərh vermək istəməyib: "Hələ sentyabr ayıdır. Bu barədə danışmaq tezdir”.

Bildirək ki, hər bayramqabağı məhkumların əfv edilməsi artıq ənənə halına çevrilib. Cəmiyyətdə Qurban bayramı və 18 oktyabr Milli Müstəqillik günü ilə əlaqədar əfv olacağı ilə bağlı ümidlər yenidən artıb.