Oğlanı döyüb pulunu və üzüyünü aldılar

Bakıda soyğunçuluq edən 2 nəfər tutulub.

Vətəninfo.az Virtualaz.org-a istinadən bildirir ki, avqustun 19-da Nəsimi rayonu ərazisində 2 naməlum şəxs Bakı şəhər sakini Əli Quliyevi döyüb, habelə bıçaqla hədələyərək 52 manatını və üzüyünü alıblar.

Nəsimi RPİ 20-ci PB əməkdaşlarının həyata keçirdikləri əməliyyat-axtarış tədbirləri nəticəsində hadisəni törətmiş Bakı şəhər sakini Asiman Yusifli və Salyan rayon sakini Əli Əliyev tutulublar. Araşdırma aparılır.