İyunda ailə quran İsveç şahzadəsi Karl Filiplə xanımı, keçmiş model Sofia Hellqvist birlikdə ilk rəsmi səyahətə çıxıblar.
Vətəninfo.az-ın məlumatına görə, Axşam.az xarici mətbuata istinadən xəbər verir ki, Varmlandı ziyarət edən cütlük əsl sevgi tablosu sərgiləyib. Karlla Sofiya getdikləri yerlərdə tez-tez bir-birlərinin gözlərinin içinə baxmaqdan özlərini saxlaya bilməyiblər.
Kral ailəsinin üzvləri onları salamlayan insanlara gülümsəyərək cavab veriblər.
Qeyd edək ki, 2010-cu ildə tanış olan Karlla Sofiyanın ailə qurmaq istəyi əvvəlcə kral ailəsi tərəfindən xoş qarşılanmasa da, daha sonra onların evlənmələrinə icazə verilib.
30 yaşlı Sofiya daha 2004-cü ildə kişi jurnallarından birinə ilanla verdiyi pozla məşhurdur. Məhz bu səbəbdən şahzadənin xanımı uzun müddət İsveç mediasının diqqət mərkəzində saxlanılıb.
Sofiya İngiltərə düşesi Keyt Midltonla müqayisə edilir. Onların hər ikisi müasir dövrün "Zoluşka”ları adlandırılır.