İlkin Həsəni prodüseri olduğu "Axırıncı yol” filmi haqqında açıqlama verib.  

Vətəninfo.az-ın SİA-ya istinadən xəbərinə görə, İlkin Həsəni bildirib ki, filmin adının "Axırıncı yol” olmasının səbəbini açıqlayıb: "Hadisələrin əksəriyyəti yolda cərəyan etdiyindən, bu adı seçdik. Şəmi, Şöşü, və dostları, qohumları bir sözlə Şəminin komandası bu dəfə çıxılmaz bir vəziyyətə düşürlər, və vəziyyətdən çıxış yolunu "axrıncı yolda” görürlər. Bizdə həmişə filmin adları iki mənalı olur, necə deyərlər biz bu yola özümüzü yox, gücümüzü qoymuşuq”. 
İ.Həsəni onu da bildirib ki, bu filmdə "Bozbaş Pictures” komandasının altı aktyoru olacaq. Qılman obrazını canlandıran İlkin Misgərli ötən filmimizdə aramızda yox idi. Amma budəfəki, filimdə bizim qızıl altılığımız öz məharətini göstərəcək. Tamaşaçı Şəmi, Şöşü, Ağsaqqal, Şirin, Fəlakət, və Qılmanı bir arada görəcək. Kim kimə qarşı olacaq, kim hansı komandada olacaq, bunu ancaq gələn ilin əvvəlləri böyük ekrandan görmək mümkün olacaq”. 
40 nəfərlik heyətlə çalışdıqlarını deyən İlkin Həsəni hazırda çəkilişin İsmayıllıda aparıldığını diqqətə çatdırıb: "Bir neçə gün aramsız yağış yağdı. Bu gün hava yaxşıdı. Belə davam etsə bölgədəki çəkilişi tez başa vuracağıq. Ssenari baxımından çox böyük çətinliklərlə qarşılaşırıq, amma hamı bilir ki, çətin işin arxasında yaxşı nəticə durur. Ona görə də biz həmişə hər şeyin ən çətinini istəmişik və bu dəfə də ssenaristlərimiz bizi sözün yaxşı mənasında çətinə salıblar. Rejissor Emil Abdullayevdir. O, ötən il "My name is İntiqam” filmini çəkmişdi. Filmin ssenaristləri Ənvər Abbasov, Sammit Ağayev və Elnur Həsəndir. Qərara gəldim ki, bu film başqalarından seçilsin.. Əsas obrazlar Şəmi və Şöşü bank soyğunçuluğu edəcəklər. Çətin vəziyyətdə olan Şəmiyə bu dəfə Şöşü köməklik edir və hiylə ilə bank yarmaq qərarına gəlirlər. Tamaşaçı "Axırıncı yolu” Amerika filimlərinə bənzədəcək. Film ölkənin bütün kinoteatrlarında nümayiş etdiriləcək. "AY Brillantdan” fərqli olaraq bu səfər daha çox seans olacaq. Belə ki, xaricdə yaşayan tamaşaçılarımız da vaxt ayırıb bu filmə baxa biləcəklər”. 
Aktyor son olaraq bildirdi ki, filimdə ixtisasca peşəkar aktyor olan mügənni Cavidan Novruz da rol alacaq.