Sürüşmənin nəticələri aradan qaldırılıb

Lənkəran-Lerik şosesində baş verən sürüşmənin nəticələri aradan qaldırılıb.
Yolun 29-cu kilometrliyində baş verən sürüşmə ilə bağlı əraziyə dərhal 43 saylı Lerik Rayon Yol İstismar Sahəsinin ağır texnikası və işçi qüvvəsi cəlb olunub. Onların səyləri nəticəsində yol təmizlənməklə nəqliyyatın hərəkəti bərpa olunub.
Qeyd edək ki, torpaq sürüşməsi faktı dünən qeydə alınıb. Yolun 29-cu kilometrliyində torpaq qatının sürüşüb yola tökülməsi nəticəsində nəqliyyat vasitələrinin hərəkətində yarım saata yaxın məhdudiyyət yaranıb.
Xatırladaq ki, yağmurlu hava şəraitində sözü gedən ərazidə torpaq sürüşmələri mütəmadi xarakter alıb.

APA