Xaçmazda iş adamının qızı intihar etdi

Səbəb anasının qatillərinin tapılmamasıdı

Xaçmazda fəaliyyət göstərən “Arzu” Ticarət Mərkəzinin qətlə yetirilən sahibi, 73 yaşlı Nəcimə Babayevanın qızı Təranə Həbibovanın intihara əl atmasına səbəb anasının qatillərinin hələ də tapılmaması olub. Bu barədə vətəninfo-ya Təranə Həbibovanın qardaşı Fuad Həbibov bildirib. Onun sözlərinə görə bacısı anasınını qətlə yetirilməsinə və qatillərin hələ də azadlıqda qalmasına, hüquq-mühafizə orqanlarının bu işə laqeyid münasibətinə dözməyərək özünü öldürüb: "Bizi qıra-qıra gedirlər. Anamı öldürdülər, bacımı isə intihara cəhd etdirdilər. Bacım "ana, ana" deyərək özünü öldürdü". Qeyd edək ki, Azərbaycan Yazıçılar Birliyinin üzvü, şairə, 73 yaşlı Nəcimə Babayeva 2010-cu ildə Xaçmaz rayonunun Muskal küçəsi, 15 ünvanında yerləşən şəxsi üçmərtəbəli mənzilinin birinci mərtəbəsində naməlum şəxs və ya şəxslər tərəfindən küt alətlə vurularaq qətlə yetirib. Bu günədək hadisəni kimin tərəfindən törədildiyi məlum deyil. .Xatırladaq ki, 49 yaşlı Təranə Həbibova Xaçmazda bacısının yaşadığı binanın 5-ci mərtəbəsindən özünü atıb. Hadisə yerinə Xaçmaz Rayon Polis İdarəsi və Rayon Prokurorluğunun əməkdaşları gəlib və araşdırmalara başlayıb.