Xəbər saytlarının müəllif hüququ niyə qorunmur?

Bu günə kimi Azərbaycanın internet məkanında 5 web-sayt dövlət qeydiyyatından keçib.

Vətəninfo.az məlumat verir ki, bu barədə Müəllif Hüquqları Agentliyinin Əsərlərin qeydiyyatı və hüquq şöbəsinin müdiri Nadirə Bədəlbəyli AzVision.az-ın sorğusuna cavab olaraq bildirib.
O, qeyd edib ki, qanunvericiliyə əsasən xəbər saytları qeydiyyata alınmır: “Son vaxtlar web-sayta olan müəlliflik hüququnu rəsmiləşdirmək üçün Agentliyə müraciət edilməyib. Onu da deyim ki, “Müəlliflik hüququ və
əlaqəli hüquqlar haqqında” Azərbaycan Respublikası Qanununun 7-ci
maddəsinə əsasən günün yenilikləri, müxtəlif hadisə və faktlar barədə
informasiya xarakterli məlumatlar müəlliflik hüququ ilə qorunmayan
obyektlər sırasına aid edilir. Həmin maddəyə əsasən, xəbər saytları dövlət
qeydiyyatından keçirilmir”.