Üzgüçülər koronavirusa yoluxub? - Rəsmi açıqlama verilmir

Üzgüçülər koronavirusa yoluxub? - Rəsmi açıqlama verilmir

Üzgüçülük üzrə Azərbaycan yığmasının üzvlərinin də koronavirsusa yoluxduğu bildirilir.

Bu barədə Arqument.az-a Azərbaycan Üzgüçülük Federasiyasının əməkdaşlarından biri məlumat verib.

O bildirib ki, yığma üzvləri Göygölə təlim toplantsına getsələr də, təcili geri qaytarılıblar: "Yığma üzvləri koronaya tutulublar, kişi və qadınlar. Deyilənə görə, 
onlar tibbi müayinədən keçmək üçün  "Gənclik"də idmançıların poliklinikasına gəliblər. Virus poliklinikanın həkimlərinin birindən (Baş həkimin adı çəkilir) keçib. Bundan sonra  Göygölə təlim-məşq toplanışına gediblər. Oradan üzgüçüləri geri qaytarıblar. Hazıra ev şəraitində müalicə alırlar".

Deyilənə görə, virus üzgüçülərin çoxunda simptomsuz olub.

Arqument.az gün ərzində Azərbaycan Üzgüçülük Federasiyasından məsələyə münasibət ala bilməyib.

Federasiyanın prezidenti, deputat Xanlar Fətiyev də telefona cavab verməyib.

Gənclər və İdman Nazirliyindən isə məlumatı nə təsiq, nə də təkzib ediblər. 

Miq.Az



İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
[email protected]

www.miq.az