Ermənistandan geriyə addım: “Heç bir şərtimiz yoxdur”

Ermənistandan geriyə addım: “Heç bir şərtimiz yoxdur”

"Ermənistan tərəfinin sərhədin demarkasiyası məsələsində heç bir ilkin şərti yoxdur”.
 
Modern.az xəbər verir ki, bunu Ermənistan Xarici İşlər Nazirliyinin mətbuat katibi Vaan Hunanyan deyib. O mövzu ilə bağlı müəyyən anlaşılmazlıq olduğunu söyləyib:
 
"Düşünürəm ki, müəyyən anlaşılmazlıq var. Demarkasiya məsələsində Ermənistan tərəfinin heç bir şərti yoxdur. Söhbət müqavilələrdən gedir. Noyabrın 26-da Soçidə Ermənistan Respublikasının Baş naziri, Rusiya Federasiyası və Azərbaycan Respublikasının prezidentləri tərəfindən qəbul edilmiş üçtərəfli bəyanatda qeyd olunur ki, tərəflər Azərbaycanda təhlükəsizlik və sabitliyin səviyyəsinin yüksəldilməsi üçün addımlar atmaq barədə razılığa gəliblər. Ermənistan-Azərbaycan sərhədi və ikitərəfli demarkasiya və delimitasiya komissiyasının formalaşdırılması istiqamətində iş aparılır. Ermənistan demarkasiya prosesinə tez bir zamanda başlamağı  planlaşdırır”, - deyə Hunanyan bildirib.

Miq.Az


İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
infomiqaz@gmail.com

www.miq.az