ARDNŞ 2 min evi sökməyə başlayıb(Son dəqiqə)

Hazırda ARDNŞ Binəqədi rayonundakı 4-cü mədən ərazisində yerləşən tikililərin söküntüsünü davam etdirir. “Vətəninfo.az”-ın hadisə yerində olan əməkdaşının verdiyi məlumata görə, söküntü briqadası evləri buldozer və ekskavatorların vasitəsilə dağıdırlar. Hadisə yerində çoxlu sayda polis və ARDNŞ-ın mühafizə xidmətinin əməkdaşları var. Onlar sakinləi söküntü yeRinə yaxınlaşmağa qoymurlar. 

İşləri gedən ərazidə jurnalistlərin fəaliyyətinə də ciddi maneələr yaradılır. “Yeni Müsavat” qəzetinin əməkdaşı Günya Musayevanın fotoaparatı əlindən alınıb, jurnalist İdrak Abbasov isə ARDNŞ mühafizəçiləri tərəfindən fiziki təzyiqə məruz qalıb. İdrak Abasova yetirilən xəsarətlər onun səhhətində ciddi fəsadlar törədib və jurnalist ağır vəziyyətdə xəstəxanaya aparılıb.

Evləri sökülən sulutəpəlilər isə Bakı-Şamaxı magistralında yolu bağlayaraq nəqliyyatın hərəkətinidayandırmaqla məqruz qaldıqları haqsızlığa etirazlarını bildiriblər.

Oral MƏDƏNÇİ