Əmək yarmarkası Naftalanda

Əmək və Əhalinin Sosial Müdafiəsi Nazirliyi (ƏƏSMN) yanında Dövlət Məşğulluq Xidməti işaxtaran və işsiz vətəndaşların münasib işlə təmin olunması məqsədilə növbəti əmək yarmarkasını mayın 15-də Naftalan şəhərində keçirəcək.
Naftalan Şəhər Məşğulluq Mərkəzinin inzibati binasında təşkil olunacaq tədbirdə boş iş yeri təqdim edən müəssisələrin nümayəndələri də iştirak edəcəklər. Əmək yarmarkasında həmin müəssisələr üzrə 140-a yaxın boş (vakant) iş yeri vətəndaşlara təqdim ediləcək, həmçinin peşə hazırlığına, müvəqqəti xarakterli və ödənişli ictimai işlərə cəlb olunmaq istəyən şəxslərin qeydiyyatı aparılacaq.

AZƏRTAC