Fəzail Ağamalı: “Bəzi qüvvələr Azərbaycan əleyhinə koalisiyada iştirak edir”

Bu dəqiqələrdə Milli Məclisin iclası başlayıb. Vətəninfo.az saytı xəbər verir ki, Ana Vətən Partiyasının sədri, deputat Fəzail Ağamalı I Avropa Oyunlarına qarşı çıxan dairələrdən söz açıb. O, bildirib ki, Azərbaycan əleyhinə koalisiyada bir sıra qüvvələr iştirak edir.
Fəzail Ağamalının fikrincə, bəziləri I Avropa Oyunlarının reallaşmaması üçün qarayaxma kampaniyası aparır. “Eurovizion” mahnı yarışmasında da belə hal müşahidə edilirdi. Lakin bu beynəlxalq yarış reallaşdı”. 

Deputat iddia edib ki, Azərbaycan I Avropa Oyunları ilə bağlı öz üzərinə düşən öhdəlikləri yerinə yetirəcək.