Azərbaycanlı avtoritet adam oğurluğunda ittiham edilir

Rusiya məşhur azərbaycanlı kriminal avtoritet Nadir Səlifovu (Lotu Quli ləqəbi ilə məşhurdur) beynəlxalq axtarışa verib. Rusiya mətbuatının  verdiyi məlumata görə, N.Səlifov adam oğurluğu və dələduzluqda ittiham edilib. İstintaqın məlumatına görə, kriminal avtoritet xüsusi ilə Azərbayacandan olanların oğurlanması  və onlardan pul alınması üçün əmr verib. 

Nəşrin mənbəsinin məlumatına görə, bu ilin yayında qeyd edilən hadisələrlə bağlı araşdırma çərçivəsində bir necə adam tutulub. O, cümlədən "qanuni oğru" Rəşad İsmayılov (Rəşad Gəncinski) barədə bəzi iddialar ortaya çıxıb. O isə "Loti Quli" ilə olan yaxınlığı ilə seçilir. Həmin vaxtdan Rəşad Rusiya ərazisində görünməyib.  İstintaq idarəsi əlindəki materialları birləşdirdikdə isə oğurluq və pul tələb etmə işi üzrə əsas fiqur Loti Quli olub.

Məlumata görə, N.Səlifov Azərbaycanda uzun müddət həbsdə olsa belə Moskvada insanların oğurlanması, onlardan pul tələb edilməsi barədə göstərişlərini verib. 

Onun hazırda Türkiyədə olduğu ehtimal edilir.