“Məşhur olasınız deyə pullu kişilərlə…” - Foto

Məşhur olasınız deyə, prodüserlərə yaltaqlanır, onların yanında fırlanırsınız. Məşhur olmaq üçün oxumaqdan başqa hər şey edirsiniz.

 

Axar.az Axşam.az saytına istinadən xəbər verir ki, bu sözləri gənc müğənni Sevinc Musayeva bəzi həmkarlarının məşhur olmaq üçün hər vasitəyə əl atmalarından danışarkən deyib.

 

Onun sözlərinə görə, səsi olmayan müğənnilər soyunmaqla gündəmə gəlir:

 

"Bir verilişə çıxmaq üçün pul ödəməli olan müğənnilər bunu özlərini sonuncu yola qoymaqla qazanırlar. Buna görə də yad insanlarla, evli, yaşlı, pullu kişilərlə vaxt keçirirsiniz. Məşhur olasınız deyə, prodüserlərə yaltaqlanır, onların yanında fırlanırsınız. Qondarma iş adamlarını, restoran müdirlərini özünüzə yaxın bilirsiniz. Nəyə görə? Bircə məşhur olmağa görə? Allah sizə gözəllik verib ki, onu naməhrəm, haram əllərdə istifadə edəsiniz? Doğrudan aciz adamlarsınız. Özünüzə, valideynlərinizə hörmət edin. Gündəmə gəlmək, məşhur olmaq, bahalı maşın sürmək, toy qiymətlərini qaldırmaq üçün bu qədər günah işlətməyə dəyməz. Nə qədər gözünüz çirkinlik görəcək, bir o qədər acı və yaşınızdan böyük görsənəcəksiniz. Əgər vicdanınız və imanınız qalıbsa, tövbə edib, pisliklərdən uzaqlaşın. Taleyinizi Allah yazır və sizin ixtiyarınız yoxdur ki, məşhurluq üçün onu pozasınız. Bunları qorxmadan, çəkinmədən yazdım. Çünki üzüm ağ, alnım açıqdır”.