Millət vəkilinin sözlərinə mahnı yazıldı

Bu barədə Vətəninfo.az-a açıqlamasında bəstəkar S.Tofiqqızı bildirib ki, sözləri Q.Paşayeva musiqisi özünə adi olan mahnı “Görmürsən Məni” adlanır: “Bizim Qənirə xanımla iş birliyimiz davam edir. Bu dəfə sözləri Qənirə xanıma, musiqisi isə mənə aid olan “Görmürsən məni” adlı mahnımızı əməkdar artist Fidan Hacıyeva səsləndirdi. İnanıram ki, dinləyicilər tərəfindən bəyəniləcəkdir. Çünki, Fidan xanim mahnını çox gözəl oxuyub. Bu, Qənirə xanımın şeirinə bəstələdiyim 9-cu mahnıdır. Hələ bundan sonra iş birliyimiz davam edəcək. Mahnının ərsəyə gəlməsidə əməyi keçən hərkəsə öz təşəkkürlərimi bildirirəm”.

Qeyd edək ki, mahnının aranjimanı Osman Həmidova məxsusdur.
Məlumat üçün bildirək ki, bəstəkar Sevinc Tofiqqızı və millət vəkili Qənirə Paşayevanın birgə ərsəyə gətirdikləri mahnıları xalq artistləri Flora Kərimova, Səməd Səmədov, müğənnilərdən Nadir Qafarzadə, Rəşad İlyasov, Aysel Əlizadə, Şəbnəm, Aslan Hüseynov, Niyam Səlami kimi ifaçılar səsləndiriblər.

Vətəninfo.az