Nardaran məscidi bağlandı? - Açıqlama

Nardaran qəsəbəsində yerləşən Rəhimə xanım ziyarətgahının Hüseyniyyə məscidi bağlanıb.

Vizual xəbər verir ki, bu barədə Trend-ə Nardaran sakinləri məlumat veriblər. Sakinlər bildiriblər ki, Hüseyniyyə məscidi Nardaran ziyarətgahının axundu hacı Nuhbala Rəhimovun həbsindən sonra bağlanılıb. Məlumata görə, özünü "Müsəlman birliyi hərəkatı" adlandıran qurumun üzvləri bu məsciddə namaz qılırmışlar.

Nardaran Ağsaqqallar Şurasının sədri Məşədi Natiq Kərimov qəsəbədə yerləşən Rəhimə xanım ziyarətgahının Hüseyniyyə məscidinin bağlanması ilə bağlı yayılan xəbərlərə aydınlıq gətirib.

O, AzNews.az-a açıqlamasında Rəhimə xanım ziyarətgahının Hüseyniyyə məscidinin bağlanmadığını bildirib: "Məscid bağlanmayıb. Sadəcə olaraq bəzi tədbirlərin keçirilməsi məqsədəuyğun sayılmayıb”.