"Tamaşaçılar mənim göz yaşlarımı görməyəcəkdi”

ANS TV-də "Daha bir nağıl" devizi ilə yayımlanan "Maşın" şounun növbəti buraxılışı baş tutub.

Əməkdar artist Murad Dadaşovun müəllifi və aparıcısı olduğu proqramda bu dəfə şoudan kənarlaşan “Pişik Günel” kimi tanınan müğənni Günel Ələkbərova olub.
SMS səsverməsinə çıxarılan A.Bağırov sonda 63.85% səs yığaraq G.Ələkbərovanı şoudan uzaqlaşdırıb. Xanım müğənninin iştirakçılarla görüşərkən göz yaşlarını saxlaya bilməməsi isə xüsusilə diqqət çəkib.
Onun kövrəldiyini görən teleaparıcı Murad Dadaşov və həmkarı Abbas Bağırov dəstək olmağa çalışıblar.
Bir müddət sonra özünə gələn müğənni “Şou-Biz” verilişinə ağlamasının səbəbini danışıb: “Murad müəllim qızımla bağlı danışanda, artıq neçə gündür görmürəm deyə doluxsundum. Mən getmək istəyəndə isə saxladı, yoxsa tamaşaçılar mənim göz yaşlarımı görməyəcəkdi”.
Qeyd edək ki, veriliş hər axşam saat 22:00-da ANS TV-də yayımlanır.