Rəqsanə məhbəs həyatından danışdı - FOTO

Vətəninfo.az xəbər verir ki, tanınmış müğənni Rəqsanə İsmayılova ötən gün media mənsublarını başına toplayıb görəcəyi işlər barəsində onları məlumatlandırıb.

ATV telekanalında "Göz önündə" adlı müəllif proqramı ilə aparıcı kimi efirə çıxacaq sənətçi, məhbəs həyatının çətinliyindən ürəkağrısı ilə danışdı:

"Allah-Təala düşmənimizə də türmə divarları nəsib etməsin.  İnsanın ən böyük mükafatı azadlığıdır. Verilişimizin komandası ilə birlikdə həftənin bir neçə gününü müxtəlif cəza çəkmə müəssisələrində çəkilişlər apardıq. Əsas məqsədimiz gözləri yolda olan məhbuslarla öz doğmalarını görüşdürməkdir.

Vallah mən bu yola saf niyyətimlə çıxmışam. Istəyirəm bu missiyamla başqa məşhurlara da örnək olum. Bu dünyada ancaq yaxşı əməllərimiz qalacaq. Gəlin Allah rizası üçün çətinliklə mübarizə aparan insanlara mərhəmətlə yanaşaq".

Məlumat üçün bildirək ki, Rəqsanənin modelyer qızı Aysun bu layihədən anasına tam gücü ilə dəstək olur.