Reyd zamanı 40-dək sürücü cəzalandırılıb

 Reyd zamanı yol hərəkəti qaydalarını pozan, avtomobilə əlavə avadanlıq quraşdıran, təhlükəsizlik kəmərindən istifadə etməyən və nəqliyyat vasitəsini sərxoş vəziyyətdə idarə edən sürücülər saxlanılaraq protokol tərtib olunub. Siyəzən şəhəri ərazisinə iri tonnajlı yük avtomobillərinin girişi qadağan olunduğundan şəhərə daxil olan belə nəqliyyat vasitələri də saxlanılaraq müvəqqəti dayanacağa aparılıb. Reyd zamanı polisin "Saxla” əmrinə tabe olmayıb ərazidən uzaqlaşmağa çalışan sürücülərə də rast gəlinib.

 Bu kimi reydlərin keçirilməsində əsas məqsəd avtomobilləri sərxoş vəziyyətdə idarə edən sürücüləri müəyyən edib saxlamaq, onların yarada biləcəyi yol-nəqliyyat hadisələrinin qarşısını almaqdır. Ümumilikdə reyd zamanı 40-a yaxın qayda pozuntusu aşkarlanıb, 2 nəfər sürücünün sərxoş olduğu müəyyənləşdirilərək müvafiq tədbirlər görülüb.

 Bu kimi reydlərin mütəmadi keçirilməsi planlaşdırılır.