Sən kimsən, kiminsən, HƏYAT ? /Mənsur şeir/

Günel Novruzlu

HƏYAT, sən qəribəsən, yoxsa  mən ?  Sən dəyişmisən, yoxsa  insanlar ? Sədaqət yox olub, ya xəyanət çoxalıb ?  Nədir sənin hökmün ?  Dərs verməkdir məqsədin, yoxsa  ?..  Bəlkə, gözəl gələcəklə insanları mükafatlandırmaqdır sənin istəyin?.. Sən kimsən, kiminsən, HƏYAT ?..

Suallar.., suallar.., insanı düşündürən, daşındıran, danışdıran suallar… Bəlkə, bu sonsuz, cavabsız suallara cavab tapaq, sorğulara son qoyaq ?..

HƏYAT, nəfəsin tükəndikcə  yaşamağa can atmaqdır. Güclü olmağı öyrənməkdir, şirin  saydıgını  bir anda zəhərə dəyişməyi bacarmaqdır. Dostlarını  çətin anda və xoş günündə tanımaqdır, tanıdıqda pisdən uzaqlaşıb, yaxşıya  dəyər verməkdir. Atanı, ananı sevmək, hörmət etmək, onları itirməkdən qorxmaqdır. Səhvlərlə öyrənməkdir, nəticə çıxarmaq və zamanla  aqilləşməkdir. Saflıqla, dürüstlüklə, namusla  yasamaqdır.

HƏYAT,  bəzən  sevdiklərinin xətrinə dəyməsin deyə səsini çıxarda bilməmək, edilən  səhvlərə  göz  yummaqdır.  Əvvəl  güvənib  sonradan  sarsılmağı öyrənməkdir...

HƏYAT,  hər  yıxıldığında bir də qalxmağı bacarmaqdır, mubarizə aparmaq      və  inadla yasamağa davam etməkdir. HƏYAT, hər addımımızda ALLAHımızı  yad etmək, Ona sıgınmaqdır. Sonumuz gəlməmiş Ondan günahlarımızı bagışlamağı diləməkdir. Nəhayət, bu qocaman  dünyamızla halallaşıb, AXİRƏTlə salamlaşmaqdır…

                                                                                       

Vətəninfo.az