Vasif Talıbov Bakıxanovun nəticəsini mükafatlandırdı

Naxçıvan Ali Məclisinin sədri Vasif Talıbov Azərbaycanın tanınmış bəstəkarına fəxri ad verilməsi haqda sərəncam imzalayıb.

Report-un məlumatına görə, V.Talıbovun sərəncam ilə bəstəkar, professor Tofiq Əhməd Ağa oğlu Bakıxanova Naxçıvan Muxtar Respublikasının "Əməkdar incəsənət xadimi" fəxri adı verilib.

T.Bakıxanov musiqi mədəniyyətinin inkişafındakı xidmətlərinə görə bu ada layiq görülüb.

Qeyd edək ki, Tofiq Bakıxanov 1930-cu ildə Bakı şəhərində anadan olub. O, tarixçi Abbasqulu ağa Bakıxanovun nəticəsi, tarzən Əhməd Bakıxanovun oğludur. 1973-cü ildə "Əməkdar incəsənət xadimi" fəxri adına layıq görülüb.

T.Bakıxanov 1991-ci ildə ona Azərbaycanın xalq artisti adı verilib. 1994-2000-ci illərdə Abbasqulu ağa Bakıxanov adına mükafatın laureatıdır. 2000-ci ildə "Şöhrət ordeni" ilə təltif olunub.