Vətəndaşın adına qanunsuz şirkət açanlara qarşı tədbirlər sərtləşdirilməlidir

Tarix: 30.06.2026 16:10
Baxış sayı: 27

Nazir məktəblərdə mobil telefonlardan istifadə qaydalarına AYDINLIQ GƏTİRİB

"Məktəblərdə mobil telefonlardan istifadə ilə bağlı qaydaların tətbiqinin əsas məqsədi tədris prosesinin pozulmasının qarşısını almaqdır".

Oxu.Az xəbər verir ki, bu fikirləri elm və təhsil naziri Emin Əmrullayev "Sertifikatlaşdırma: səriştəli müəllim - keyfiyyətli təhsil" mövzusunda keçirilən tədbirdə deyib.

O bildirib ki, dərs zamanı şagirdlərin mobil telefondan danışmaq, oyun oynamaq və ya digər məqsədlərlə istifadə etməsi təlim prosesinə mənfi təsir göstərir:

"Buna görə də bu sahədə vahid qaydaların tətbiqinə ehtiyac var. Şagirdlərin məktəbə telefon gətirməsi qadağan edilmir, lakin dərs müddətində telefonlardan istifadə yolverilməzdir və onlar müəyyən edilmiş qaydalara uyğun saxlanılmalıdır. Telefondan istifadə ilə bağlı yalnız fövqəladə və ya təxirəsalınmaz hallarda istisnalar mümkündür.

*****

Nazir müəllimlərin maaşından danışdı: 4 dəfəyə qədər artım...

2014-cü illə müqayisədə Azərbaycanda müəllimlərin əmək haqqı 4 dəfəyə qədər artıb.

Xəbər verilir ki, bunu elm və təhsil naziri Emin Əmrullayev "Sertifikatlaşdırma: səriştəli müəllim - keyfiyyətli təhsil" mövzusunda keçirilən tədbirdə çıxışı zamanı deyib.

O bildirib ki, müəllim heyətinin orta aylıq əmək haqqı 1030 manatdır:

"Sertifikatlaşdırmada yüksək nəticə göstərənlər üzrə (35% əlavə alanlar) 30 590 nəfərin orta aylıq əməkhaqqısı 1300 manat, sertifikatlaşdırmada uğur qazanmış heyət üzrə (10% əlavə alanlar) 60 818 nəfərin orta aylıq əmək haqqı 1010 manat, sertifikatlaşdırmada iştirak etməyən və ya I cəhddə uğur qazanmayan heyət üzrə 23 984 nəfərin orta aylıq əmək haqqı 770 manatdır".