ABŞ prezidentliyinə namizəd Bakıdan 2,5 milyon qazandı

ABŞ-da gələn il keçiriləcək prezident seçkilərində Respublikaçıların prezidentliyə namizədlərindən, əmlak milyaderi, iş adamı Donald Trump-ın Azərbaycandan qazandığı məbləğ açıqlanıb.

Vizual.az"Marja”-ya istinadən xəbər verir ki, ötən il Donald Trump-ın Azərbaycandakı "Trump Hotel and Tower”yə görə lisenziya gəliri 2,5 milyon dollar təşkil edib. Bu brend Donald Trumpa məxsusdur.

"Trump Hotel and Tower” azərbaycanlı iş adamı, nəqliyyat naziri Ziya Məmmədovun oğlu Anar Məmmədova məxsusdur.

Qəzet yazır ki, Donald Trump-ın islama və müsəlmanlara qarşı çıxışları onun müsəlman dövlətlərində nüfuzunu azaldır. Bu, onun müsəlman ölkələrindəki sərmayələrinə mənfi təsir edir. Donald Trump müsəlmanların Amerikaya buraxılmamasını istəyir.