Belarusda prezident seçkisinin vaxtı məlum oldu

Belarusda prezident seçkiləri bu il oktyabrın 11-də keçiriləcək. Vətəninfo.az məlumat verir ki,  Modern.az-ın xarici KİV-ə istinadən verdiyi xəbərə görə, bu qərarı Belarusun Milli Məclisinin Nümayəndələr Palatası qəbul edib.
Belarus Konstitusiyasına əsasən prezident seçkiləri 5 il müddətinə seçilir. Prezident Belarusda doğulan və yaşı 35-dən az olmayan vətəndaş seçilə bilər. Məhkumluq həyatı yaşayan vətəndaş prezidentliyə namizəd ola bilməz.
Liberal-Demokrat Partiyasının sədri Sergey Qaydukeviç, Birləşmiş Vətəndaş Partiyasının sədri Anatoli Lebedko, Belarus Sosial-Demokrat Partiyasının üzvü Tatyana Korotkeviç, solçu “Ədalətli dünya” partiyasının rəhbəri Sergey Kalyaqin prezidentliyə namizəd olacaqlarını əvvəlcədən elan ediblər. Bundan başqa, indiki dövlət başçısı Aleksandr Lukaşenko da yenidən namizəd olacaq.