Cəlilabadda rüsvayçılıq - Fotolar

Cəlilabadın mərkəzi zibilliyə çevrilib.

Yerli sakinlərin VİZUAL.az-a verdiyi məlumata görə, şəhərin mərkəzi küçələri Balaxanı zibilliyini xatırladır. Amma bu biabırçılığa baxan yoxdur.

Natəmizlikdən cana doyan sakinlərin sözlərinə görə, Cəlilabadın tən ortasında antisanitariya hökm sürür. Rayon icra başçısı Əziz Əzizovun hər gün keçib getdiyi mərkəzi küçələr zibil dağları ilə əhatələnib.

Amma rayon icra hakimiyyətində təsərrüfat şöbəsinin başı ayrı işlərə qarışıb. İcra başçısına dəfələrlə müraciət edən sakinlərin problemi qulaqardına vurulub.

Sakinlər qeyd edir ki, qalaqlanan zibilliklər əsasən orta məktəb və digər dövlət idarələrinin yaxınlığındadır.